Çarçewa Hemleya 'Tecrîd, faşîzm û îşxalî rê bes o; wext wextê azadîye yo' de verê Ofîsê Neteweyanê Yewbîyayeyan (NY) yê Cenevre de çalakîya roniştişî dewam kena.

Çalakîya ke 25ê çeleyî de ameye despêkerdene û her roja çarşemeyî yena domnayene. Çalakîye no hewte hetê kurdanê ke bajarê Winterthurî ra ameyî ra ameye dewrgirewtene.

Çalakwanan ewro zî peyê xo kerd NYyî û bêvengîya înan a vera waştişê  kurdan ê derheqê azadîya Abdullah Ocalanî şermezar kerde.

Çalakîye de roşanê êzidîyan Çarşame Sore zî ame bimbarekerdene.

Sîyasetmedaro kurd Metîn Mîntaşî ke tîya qisey kerd vat: ''Ganî dezgehê mîyanneteweyî cade rolê xo kay bikerê ke ma Rayberîya xo ra xabere bigîrê. Ganî avûkatî cade ey vînî û îşkenceyê tecrîdî bêro qedînayene û azadîya Rayberê Şarê Kurdî esas bêro girewtene. Dewletê Ewropa semedê karê xo tecrîd û qirkerdişê vera kurdan nêvînayîşî ra yenê. Vera na polîtîkaya dirîye ya înan ma do wayîrê hemleya azadîye vejîyê û xoverdayîşê xo tacîdar bikerê.''

Badê qiseykerdişa kurdîstanijan çalakîya roniştişî rê dewam kerde.