Semedê azadîya Rayberê Şarê Kurdî Abdullah Ocalanî  çalakîya ke verê Ofîsê Neteweyanê Yewbîyayeyan (NY) yê Cenevre de yena domanyene no  hewte zî dewam kerde.

Çalakîya ke 25ê çeleyî de ameye despêkerdene û her roja çarşemeyî yena domnayene no hewte hetê kurdanê ke bajaranê Basel û Luzernî ra ameyî ra amaye dewrgirewtene.

Çalakîye de şexsê fermandaranê HPGyî ra Sînan Dêrsim (Dalokay Şanli) yo ke şehdatê ci newe ame eşkerakerdene , semedê şehîdanê kurdîstanî rêz ame girewtene.

Dima ra Hemserekê Merkezê Komelê Kurdan ê Cenevre Salîh Saglamî qisey kerd. Saglamî vat: ''Ma do heta azadîya Abdulah Ocalanî têkoşînî rê dewam bikerê. Ma do şexsê Sînan Dersimî de rêçê şehîdanê xo têkoşînî pîlêr bikerê û waştişê şehîdan bîyarê ca.''

Temsîlkara Aveg KONî Ali Orak zî vat: ''Birêz Abdullah Ocalan bi fikîr û paradîgmaya xo semedê heme şaranê dinya bîyo nimûne.  Ewropa û Neteweyanê Yewbîyayeyan na raştîye nêvînayîşî rayen. Ganî şorişgêrî wayîrê waştişanê kurdan vejîyê.''