Bajarê Cenvere yê Swîsre û paytextê Danimarka Kopenhag de vera hêrişê îşxalê dewleta tirke çalakîye ameye kerdene.

Cenvre de çalakîya ke hetê aktîvîstanê TCŞ ûTekoJIN ra ameye organîzekerdene de ame vatene ke vera hêrişanê dewleta tirke ê do her ca de xoxerdayîşî pîlêr bikerê û têkoşînî biresnê serkewtişî.

Kopenhag de zî hêrişê îşxalî yê vera Başûrê Kurdîstanî û Kampa Multecîyan a Mexmûrî ameyî şermezarkerdene. Çalakîya ke hetê Merkezê Komelê Demokratîkî û Meclîsê Cinîyan ê Sêvê ra ameye kerdene de ame vatene ke dewleta tirke pê paştîdayîşê xayînan vera kurdan hêrişê qirkerdişî kena ke çîyo winayên nêno qebulkerdene. Çalakwan vat ê paştî danê înanê ke Kurdîstanî pawenê.