Çalakîya roniştişî ya ke semedê azadîya Rayberê Şarê Kurdî Abdullah Ocalanî   çarçewa Hemleya 'Tecrîd, faşîzm û îşxalî rê bes o; wext wextê azadîye yo' de verê Ofîsê Neteweyanê Yewbîyayeyan (NY) yê Cenevre de 25ê çeleyî de ameye destpêkerdene, dewam kena.

Çalakîya ke her roja çarşemeyî yena kerdene de derheqê tecrîd û felsefeya Abdullah Ocalanî de zanayîş yeno dayene. Çalakîya nê hewteyî pê rêzgirewtişê semedê  şehîdanê xoverdayîşê Zap, Metîna û Avaşînî ameye destpêkerdene.

Hemserekê Merkezê Komelê Kurdan ê Cenevre Salîh Saglamî xoverdayîşê gerîlayan ê çar leteyan o ke vera hêrişê îşxal û qirkerdişî yeno kerdene selam kerd. Saglamî ard ziwan ke ê vera tecrîd û hêrişê îşxalî ê her ca de çarçewa Hemleya ''Dem Demê Azadîye yo'' de pay ra yê û vat kurdî bi xoverdayîşî do ser bikewê.