Cinîyan verê bînaya NYyî ya Bonnî de çalakîyêke kerde
Komîsyonê Cinîyan ê Kongreya Neteweyî yê Kurdîstanî (KNK) verê bînaya Temsîlkarîya NYyî ya şaristanê Bonnî yê Almanya de dest pê çalakîya roniştişê ya 3 rojan kerd.
Komîsyonê Cinîyan ê KNKyî pê armancê prostokerdişê hêrişanê dewleta tirke yê vera Kurdîstanî verê Temsîlkarîya NYyî ya şaristanê Bonnî yê Almanya de dest pê çalakîya roniştişê ya 3 rojan kerd.
Çalakîya ke do 3 rojan dewam bikera, vizêr saete 10:00 de dest pêkerd. Çalakîye roja îneyî saete 16:00 de do biqeda.
Çalakîkerî wazenê ke Heyetê Cinîyan ê NYyî reyde kombîyayîşêk bikerê. Komîsyonê Cinîyan ê KNKyî pê eşkerayîyêke îfade kerd ke dewleta tirke Kurdîstan de hêrişê giranî û qirkerdişî kerdî û tewr peyêne Kobanê de 3 cinîyê aktîvîstî qetil kerdî.
Peynîya eşkerayîye de bêvengîya NY, NATO û pêro dezgehanê mîyanneteweyîyan ameye şermezarkerdene.
Çalakîkeran hêrişê sîstematîkî yê vera cinîyanê Efrînî zî protesto kerdî.
