Cinîyê kurdan Bruksel de vejîyayî kuçeyan

Xeylêk welatanê Ewropa ra cinîyê kurdan paytextê Belçîka Bruksel de ameyî pêser û vera îşxal û qirkerdişê cinîyan rayra şinê.

Paytextê Belçîka Bruksel de rayberîya cinîyan ê kurdan vera îşxalê vera Rojawanî û qirkerdişê cinîyan çalakîyêk ameye organîzekerdene.

Bi seyan cinîyê ke verê îstasyonê trenan ê merkezî de ameyî pêser bi beyraqanê YPG û YPJyî verbi Meyndanê Luxembourgî yo ke kişta Parlamentoyê  Ewropa de yo ray ra şînê. Cinîyan pankerto ke hetê Têgêrayîşê Cinîyan ê Kurdan ê Ewropa (TJK-E) ra ame amadekerdene û serê ci de, ‘Şîdet tewirêkê faşîzmî yo, xopawitiş heq o‘ nuşete yo vernîye rayraşîyayîşî de kirişenê û bi sloganan vera îşxal û qirkerdişê cinîyan qîrênê. Cinîyî wazenê ke sahayê hewayî yê Rojawanî wa firdayîş rê bêro qedexekerdene û hêzê mîyanneteweyî wa wezîfeyê xo bîyarê ca û vernîya hêrişê vera Rojawanî bigêrê. Rayraşîyayîşî ra dima do Meydanê Luxsembourgî de mitîngêk bêro viraştene.