Ciwanan tecrîd û hêrişê îşxalî şermezar kerdî

Tecrîdo ke vera Rayberê Şarê Kurdî Abdullah Ocalanî yeno caardene xeylêk welatanê Ewropa de bi çalakîyan ame şermezarkerdene.

Paytext Berlin û bajarê Duisburgî yê Almanya, bajarê Cenevre yê Swîsre û paytextê Fransa Paris de tecrîdê serê Rayberê Şarê Kurdî Abdullah Ocalanî û hêrişê îşxalî yê dewleta tirke yê vera Başûrê Kurdîstanî ameyî şermezarkerdene.

Çalakîya Berlinî de bale ameye antene tecrîdê giranî ser û veng dîya CPTyî ke wa vera tecrîdî berpirsîyarîya xo bîyaro ca.

Villiers le Belê Parisî de zî bi eynî waştişî Neteweyanê Yewbîyayeyan rê mektube ameye şawitene. Reyna çalakîya Drancyî  de zî bi şîare ma 'Ma rûmetê xo pawenê' rayraşîyayîş ame kerdene.

Cenevre de bi çalakîyêke azadîya Ocalanî ameye waştene, hêrişê îşxalî, xayînîya PDKyî û hêrişê vera goristananê Efrinî ameyî şermezarkerdene û xoverdayîşê gerîlayan ame selamkerdene.

Bajarê Duisburgî de ciwanan çarçewa 'Werin Cenga Azadiye' de pankarata 'Ocalanî rê azadîye' daliqnaye.