Paytextê Avusturya Viyana de aktîvîstanê TCŞ û TÊKO-JIN hêrişê îşxalî yê dewleta tirke yê vera Herêmanê Pawitişî yê Medya pê çalakîyêka rayraşîyayîşî şermezar kerdî. Ciwanan çalakîye de eşkerayîye daye û ard ziwan ke ê tewrê Hemleya 'Ciwanan ra sey bazan ver bi serkewtişê Zagrosan.'

Ciwanan hêrişê îşxalî şermezar kerdî û vat: ''Ciwanê kurdî û enternasyonelî yê Viyana do têkoşînê vera dewleta tirke pîlêr bikerê. Her hele de ma do waranê çalakîyan de bibê.''

Çalakîye de fotografê Rayberê Şarê Kurdî Abdullah Ocalanî, alayê PKK, KCK û TCŞyî ameyî akerdene û bi kurdkî û almankî sloganî ameyî vatene.