'Dadîyî hînî nêwazenê tabutan bivînê'

Endamanê Înîsîyatîfê Dadîyanê Haştîye ra Havva Kiran derheqê qanûnê înfazî de qisey kerd û vat: ''Ma nêwazenê zîndanan ra tabutî bivejîyê. Ganî pêro tepişteyî bêrê veradayene.''

Tesîrê pandemîya vîrusê Korona yê serê dinya dewam keno. Kurdîstan û Tirkîya de hûmara nêweşan resaye 42 hezar û 282 , hûmara qurbanan zî bîye 908. Rewşe her roje bena giranêr la rîskêko tewr pîlî zîndanan de yo. Tirkîya de nêzdîyê 300 hezar tepişteyî û hukmwerdeyî estê. Rejîmê AKP-MHPyî derheqê babete de qanûnê înfazî de tay vurnayîşî kerdî labelê qanûn semedê nêzdîbîyayîşê ci yê têdûştî ra beno semedê nêrazîbîyayîşan.

Înîsîyatîfê Dadîyanê Haştîye ra Havva Kiran derheqê babete de ANFyî reyde qisey kerd.

Havva Kiran vat: ''Cergê ke zerar danê komelî, rotoxê kundoxan, dizdî do bêrê veradayene labelê êyê ke semedê fikranê xo tepişte yê do nêrê veradayene. No nêno qebulkerdene. Tirkîya de bi hezaran tepişteyê nêweşî û kokimî estê ke vîrusê Korona înan rê gef waneno. Ma nêwazenê zîndanan ra tabutî bivejîyê. Eke Tirkîya de qala edaletî, heqî û huqûqî yeno kerdene o wext ganî seba na mesele game bêra eştene.''

Kirane venga selahîyetdaran da ke berê zîndanan abikerê û tepişteyan vera bidê.