Bajarê Heilbronnî yê Almanya de seba ke hewteyo ravêrte sîyasetmedarê kurdî Abdullah O., Mîrza B. û hunermendo kurd Mazlûm D. ameyî tepiştene  çalakîya protestoyî ameye kerdene.

Çalakîya ke bi vegdayîşê Merkezê Komelê Kurdan ameye kerdene xeylêk kesî tewrê ci bîyî û zextê dewleta almanî yê vera kurdan protesto kerdî.

Qiseykerdişanê çalakîye de ame vîrvistene ke Tirkîya bi paştdayîşê Almanya bi hezaran kurdî qetil kerdî û bi hezaran dewî vêşnayî û rijnayî û ame vatene ke dewleta almanî erzana keyeyanê kurdan ê ke têkoşînê estbîyayîşî danê, ser û verê çimanê domananê înan de her tewir îşkence kena ke kurdan krîmînalîze bikero. Çalakîye de veng dîya hukmatê alamnî ke wa na xeletîye ra peyser agêro.