Dikandarê Colemêrgî: Ma hînî nêeşkenê payan ser de vinderê

Colemêrg zî sey şaristananê bînan binê tesîrê krîzê ekonomîkî de yo. Dikandarê şaristanî hînî bi zehmetî kar û gureyî kenê û hukmatî zî sey mesuldarê na rewşe vînenê.

Colemêrg zî sey şaristananê bînan binê tesîrê krîzê ekonomîkî de yo. Dikandarê şaristanî hînî bi zehmetî kar û gureyî kenê û hukmatî zî sey mesuldarê na rewşe vînenê.

Dikandar Mevlan Tekçeyî ard ziwan ke krîzê ekonomî û zeman ra dikandarî nêeşkenê payan ser de vinderê û vat: ''Verî merdimî eşkayêne çîyêkî bihêrînê, ma zî bi rehetî malê xo rotêne. Mîyanê hîrê serran de dikandarîye nêmende. Nika her ke şino yew dikane qefilîyena.  Xeylêk dikandaran dikanê xo qefilnayî. Ma pêrîşan bîyê. Ganî no krîz û nê zemî bêrê çareserkerdene. Kam meseleyanê ma çareser bikero ma do weçînayîş de raya xo bidê înan.''

Muhsîn Îhtîyatogluyo ke 7 serrî yo dikandarîye keno vat: ''Kîraya ma 400-500 lîra bibî la nika bîye 3 hezar lîra. Ma nêeşkenê sifteh zî bikerê. Muşterîyî nêeşkenê bihêrînê. Wexto ke malê ma qedîyeno ma nêeşkenê vayan ra malê neweyî bigêrê. Ma senî debara keyeyê xo bikerê nêzanenê. Hukmat ganî goş bido dikandaran ser.''