Taxê Giştî yê Silêmanî de serrgêra yewine ya şehdaetê Endamê Konseya KCKyî Dîyar Xerîb (Hemlet) pê pêramotişêk ame yadkerdene. Pêramotiş hetê Rêxistina Niwêgerî ra ame serûberkerdene û 22 hunermendî pê 22 tabloyanê xo tewrê pêramotişî bîyî.

Pêramotiş vizêr 16:00 de pê beşdarîya dadîya Hemletî Sadîye û bi desan hunermend û hemwelatîyan dest pêkerd.

Endama Îdareyê Kultur û Hunerî yê Başûrê Kurdîstanî Rûbare Ehmed pêramotiş de qisey kerd û pare kerd ke ê do heman pêramotiş Ewropa de zî abikerê. Rûbare da zanayene ke 20 hunermendanê Hewlêr, Kerkûk, Germîyan, Helebçe, Koyê, Mexmûr û Ewropa seba pêramotişî bi temamî 22 tabloyê Hemletî viraştî. 

Dadîya şehîd Hemletî Sadîye Nazim kurdalaya pêramotişî mîyanê slogananê ''Şehîdî nêmirenî'' û ''Şehîd Dîyar Xerîr bêmerg o'' qesnaye. Dadîye Sadîye pêro şerwananê azadîye rê serkewtiş û azadî waşte.

Pêramotiş de kitabê Şehîd Hemletî zî ame vilakerdene. Hemwelatîyan eleqeyêko pîl mojna kitab û tabloyan.

Pêramotiş di rojan do dewam bikero.