Erdal Acem pê tewirê gerîlatîye ser kewt

Erdal Acemo ke Rojhelat de dadîya xo ra beno û tewrê PKKyî beno. Gerîlayê HPGyî Firat Zîlanî qala têkoşîn û xoverdayîşê Erdal Acemî kerde û vat: ''Şehîd Erdal şerwanêko winasên bi ke pêro şertê têkoşînî ardî ca.''

Erdal Acemo ke Rojhelatê Kurdîstanî de dadîya xo ra beno û tewrê PKKyî beno û bi serran vera pêro dişmenê kurdan şer keno. Erdal Acem serra 2016-2017î de Koyê Cîloyî de şehîd beno.

Gerîlayê HPGyî Firat Zîlanî qala têkoşîn û xoverdayîşê Erdal Acemî kerde.

Gerîla Firat Zîlanî vat: ''Wexto ke ez newe tewrê şerî bîya o herêma Zagrosî de fermandarê ma bi. Heta şehadetê xo o fermandarê mi bi. Ey perwerdeyê şerwanan û averberdişê şerwanan xo rê esas girewtêne. Cayo ke o tede bi qet bêmoral nêbi. Embaz Erdal pê keda xo embazîya winasêne viraştêne. Ey zaf giranîye dayêne dîsîplînê leşkerî. O na babete de hem hîsger bi hem zî ey xîret kerdêne ke embazî zî wa wina bibê. Her kesî tira vatêne 'Erdalo Acem'. Xora o acem bi. O zî pê nê vatişî huyayêne û wina vatêne 'Willay ez mîyanê şima de bîya kurd.' PKK raştîya ke pêro şaran kena verarê xo. No çi têkoşînê ma keno ercîyayeyêr. Şehîd Erdal şerwanêko winasên bi ke pêro şertê têkoşînî ardî ca.''