Şaristanê Mannheimî yê Almanya û şaristanê Lavrioyî yê Yunanîstanî de Endamê Konseya Fermandarîye ya HPGyî pê merasîman ame yadkerdene. Sînan Dêrsim 27ê teşrîna verêne ya 2020î de Herêmanê Pawitişî yê Medya de hêrişêkê hewayî de şehîd bi.

Şaristanê Mannheimî de seba şehîdan findî ameyî tavistene û gulî ronîyayî. Merasîmî seba Sînan Dêrsimî pê deqayêkê rêzgirewtişî dest pêkerd. Merasîm de qiseykerdoxan Sînan Dêrsim yad kerd.

Şaristanê Lavrioyî de Merkezê Kulturê Kurdan de şexsê Sînan Dêrsimî de Savaş Maraş, Munzur Zerya, Savaş Têkojin, Tîrej Nûjin ameyî yadkerdene. Merasîm de ame vatene ke Sînan Dêrsim emrê xo dayo têgêrayîşê azadîye yê kurdan. Merasîm de sînevîzyonêk ame mojnayene. Merasîm pê slogananê 'Şehîdî nêmirenî', 'Biciwîyo Serek Apo', 'Bêserek cuye nêbena' qedîya.