Paytextê Belçîka Bruksel û şaristanê Unterlussî yê Almanya de fîrmayê ke çekan roşenê Tirkîya pê çalakîyan ameyî protestokerdene.

Bruksel de aktîvîstanê Haştîye ya Vredesacti fîrmaya Sabca pê çalakîyêke protesto kerde ke Sabca çekan û parçeyanê wesayîtan ê leşkerîyan roşena Tirkîya. Çalakîkeran vat: ''Mazlemeyê ke şima danê Tirkîya vera têkoşînê azadîye şuxilîyenê û no pê tesdîqê hukmatê Belçîka yeno kerdene. Cade nê rotişan vindarnê û rejîmê ke çekan şuxilnenê muhakeme bibê.''

Unterluss de zî vera kargehê çekan Rheînmetall DEFENCE ya Unterluss ya Almanya rayberîya Merkezê Komelê Demokratîkî yê Kurdan ê Hannover û Hildesheimî de çalakîyêke ameye kerdene. Çalakîye de alayê TCŞ, YPJ, YPG, TEV-DEM û TJK-E ameyî akerdene û fotografê Zeyneb Kinaci, Mazlûm Dogan, Kemal Pîr û Mehmet Hayrî Dûrmûşî ameyî berzkerdene. Aktîvîstan çalakîye de sloganê sey 'Biciwîyo xoverdayîşê zîndanan', 'Şehîdî nêmirenî', 'Biciwîyo xoverdayîşê gerîlayan' vatî, vilawekê almankî vila kerdî. Venga şîrketanê çekan ame dayene ke wa çekan nêroşê dewleta tirke.