Paytextê Fransa Parîs de bi desan parlamenter, senator, şaredar, entelektuel, nuştox, kedkaranê weşîye, sînemageran û temsîlkaranê rêxistinanê komelî vat: "Ganî Fransa cade tê bigêre û mutefîkê ma Kurdan bipawe."

Tarîxê Fransa de serebûtêko newe qewimîyo û vera awile parlamenter, rastgir, çepgir, radîkal, komarger, lîberalî kom bîyî. Partîya rastgire ya pîte zî tede bi beşdarîya parlamenteranê Partîya Komunîstî, Komarger, Kesk, Têgêrayîşê Sere Nêçewtî, Partîya Çepî, Partîya Sosyalîst, partîya ÛDÎ yê parlamentoyî pîya kom bîyî. Kombîyayîş Salona Paris Teatre du Gymnase Marie Bell de ameye kerdene.

Waştişê ke kombîyayîş de bi giranî ameyî kerdene, wina yê:

"Fransa bêveng nêmana, ganî peymananê paştdayîşî ra fek vera bide, bi rolêko sîyasî tê bigêre û Ewropa bide têgêrayene ke şer bêro vindarnayene.

Seba ke wareyê hewayî bêro padayene  welatanê Ewropa reyde qerarêk bigêre

Wa Fransa veng bide sefîrê xo yê Tirkîya û ey Tirkîya biance.

Endamîya Tirkîya ya NATO'yî bêra wedaritene.

Ambargoyê serê Tirkîya bêrê caardene.

Fransa seba hetkarîya merdimîye û leşkerîyî yê seba Rojawanî bi rolêko aktîf tê bigêre.

PKK lîsteya rêxistinanê terorî ra bêro vetene.

Hînî milîtananê Kurdî yê Fransa de yê rê teda nêra kerdene."