Bajarê Hamburgî yê Almanya de semedê şermezarkerdişê hêrişê îşxalî yê vera Herêmanê Pawitişî yê Medya û paştdayîşê HDPyî rayraşîyayîş ame kerdene.

Rayraşîyayîşo ke hetê antîfaşîstan ra ame organîzekerdene di hetan ra ame kerdene. Grûba verêne ver bi  Konsolosxaneyê Tirkîya rayra şîye, grûba bîne semtê Gensemart de dest pê rayraşîyayîşî kerd û dima  ra grûbî ameyî têhet û pîya ver bi semtê Sternschanze rayra şîyî. Çalakwanî gama ke verê Zîndanê Damtorî ra ravêrtî slogana ''tepişteyanê sîyasîyan rê azadîye'' eşte. Badê rayraşîyayîşî mîtîngêk ame kerdene. Qiseykerdişan de hêrişê îşxalî ameyî şermezarkerdene û xoverdayîşê gerîlayan ame selamkerdene. Reyna mesajê paştdayîşê HDPyî ameyî dayene.