Serrgêra 16'ine ya sazkerdişê Partîya Yewîya Demokratîke (PYD) şaristanê Helsîngborgî  yê Swedî de ame pîrozkerdene.

Pîrozkerdişo ke lokalê Merkezî yê Komeleya Kurdan a Demokratîk a Helsînborgî de ame viraştene bi deqayêka rêzgirewtişî dest pêkerd. Çekjin Qamişlo ser nameyê PYD'yî qisey kerd û vat:‘‘ PYD pê felsefeya Rayberê Şarê Kurdî Abdullah Ocalanî ame sazkerdene, pê têkoşînê şarê Kurdî û şehîdan û pê fedakarîya înan mîyanê 16 serran de her tim aver şîyo. Sazkerdişê PYD'yî ra nata ê hêrişê mêtinger û kolonyalîstan verba înan têkoşîn danê û xeylî îdarekar û endamê PYD'yî ameyî tepiştene. La şarê Kurdî û Rojawanî paştî daye PYD'yî û nê hêrişê kolonyalîst û faşîstî şikitê. Sere de dewleta Tirkî, qewetê mêtinger û kolonyalîst ê herême de wazenê serkewtişanê Rojawanî wedarê. Ganî Kurdistanijî û dostê înan dormeyê PYD'yî û şorişê Rojawanî de kom bibê.

Dimayê sînevîzyonî derheqê şorişê Rojawanî û serkewtişê şarê Vakurê Sûrîye de Koma Kobanê deyîrî vat.