Komîteya Paştdayîşê bi Şarê Kurdî, Merkezê Komelê Demokratîkî yê Kurdan û Komelê Cinîyan ê Delale Amed şaristanê Montpellierî yê Fransa de pê çalakîyêke hêrişê vera kurdan ê Fransa protesto kerdî.

Çalakîye de ame vatene ke netîceya polîtîkayanê Fransa û Tirkîya de Fransa de cerganê tirkan ê faşîstan hêrişê komele û welatperweranê kurdan kerd. Ame vatene ke ê nê hêrişan protesto kenê.