Kurdîstanijan û dostanê înan hêrişê îşxalî yê dewleta tirke yê vera Herêmanê Pawitişî yê Medya pê çalakîyan şermezar kerdî.

Şaristanê  Mannheimî yê Almanya de kurdîstanijî pê çalakîyêke wayîrê gerîlayan vejîyayî. Eşkerayîya NCKDyî de wina ame vatene: ''Zerrîya ma her tim hetê Zap, Metîna û Avaşînî de ya.'' Çalakîye pê slogananê 'Biciwîyo xoverdayîşê gerîlayan' qedîyaye.

Şaristanê Darmstadtî yê Almanya de çalakîye de hêrişê îşxalî ameyî protestokerdene û wina ame vatene: ''Gerîlayî do dewleta tirke û kayanê xîyanetkaran çin bikerê, terzo newe yê gerîlayan do ser bikewo.'' Çalakîye pê slogananê sey 'Kiştox Erdogan', 'Biciwîyo Serek Apo' û 'Biciwîyo Xoverdayîşê Gerîlayan' qedîyaye.

Paytextê Fransa Paris de aktîvîstanê TCŞ û TÊKO-JIN merkezê trenî de çalakîyêke kerde. Çalakîye de vilawekî ameyî vilakerdene, sloganî ameyî vatene.

Banlîyoyanê Villiers le Bel û Gringnyî yê Parisî de zî vera hêrişanê îşxalî çalakîyî ameyî kerdene.