Endamê Însîyatîfê Ocalanî rê Azadî yê ke Strasbourg de grevê vêşanîye yê bêdem-bêagêrayîşî de yê bi eşkerayîyêk da zanayene ke ê do qîmê xo bi hurdîyê azadîye nêarê û heta şîkyayîşê tecrîdî xoverdayîşê înan dewam bikero.
Endamê Însîyatîfê Ocalanî rê Azadî yê ke 28 rojî yo Strasbourg de grevê vêşanîye yê bêdem-bêagêrayîşî de yê eşkerayîyêka nuştekîye daye.
Însîyatîfî vat ke ma xebera pêdîyayîşê Rayber Apo û birayê ey Mehmet Ocalanî ra dima qererê eşkerayîyêka newî girewt û nê pare kerdî: ‘‘ Xora wextêko dergî ra dima Rayber Apoyî ra grewtişê xebere seba ma û şarê ma morelêko gird o. Ma reyna dîyê ke eke xoverdayîş gird bo peynîya ci yena girewtene. La esas waştişê xoverdayîşê ma wedartişê tecrîdî yo. Her çikas Rayber Apo medimanê xo de pêdîyayîş virazo zî tecrîd dewam keno. AKPyî serra 2016î de wina pêdîyayîşêk da viraştene û waşt ke vernîya xoverdayîşî bigêro. Ewro reyna bi heman kayî wazeno îradeyê şarê ma bişikno û vernîya xoverdayîşê ma bigêro. No pêdîyayîş tena seba çalakîya ma morelêk o. Ma zanê ke heta ewro şarê Kurdî heme çîyî bi xoverdayîşî qezenc kerdî û do ewra ra tepîya zî wina bo.
Ma do qîmê xo bi hurdîyê azadîye nêarê û heta şîkyayîşê tecrîdî yo ke serê Rayber Apoyî de yeno bicaardene, xoverayîşê xo rê dewam bikero. Şarê ma zî ganî xoverdayîş xurt bikero.‘‘
