TJK-E û KCDK-E çarçewa hemleya 'Vera îşxal û qirkerdişî her ca Zap, Avaşîn û Metîna yo; wext wextê azadîye yo' de 12ê gulane de şaristanê Strasbourgî yê Fransa de çalakîya roniştişî dabi destpêkerdene. Çalakîye hewteyê 2. de dewam kena.

Çalakîya ke heman warê Nobeta Azadîye ke yena kerdene tede xîretê îşxalî yê dewleta tirke û qirkerdişê kurdan yenê protestokerdene.

Çalakîkeran bêvengîya Ewropa ya vera tecrîdkerdişê Rayberê Şarê Kurdî Abdullah Ocalanî şermezar kerde û venga kurdan da ke vera faşîzmî têkoşînêkê yewbîyayeyî bikerê.