Heyetê KNKyî pê armancê protestokerdişê hêrişanê îşxalî yê vera Başûrê Kurdîstanî verê Wezaretê Karanê Teberî yê Swêdî reyde kom bi û venga hukmatê Swêdî da ke wa vera hêrişan bêveng nêmano.
Heyetê Komîsyonê Cinîyan ê KNKyî û tay endamanê NCDK-Swêdî pê armancê protestokerdişê hêrişanê îşxalî yê vera Başûrê Kurdîstanî verê Wezaretê Karanê Teberî yê Swêdî reyde kom bi û pê eşkerayîyêke venga hukmatê Swêdî da ke ke wa vera hêrişan bêveng nêmano.
Endama Komîsyonê Cinîyan Emîne Rad eşkerayîye wende û vat: ''Ganî rayaumûmîya teberî zêdêr vengê kurdan berz bikera û wayîrê xoverdayîşê gerîlayan vejîya.''
Eşkerayîye ra dima sloganê sey 'Biciwîya yewîya kurdan' û 'Biciwîyo xoverdayîşê gerîlayan' ameyî vatene. Dima zî heyetî derheqê çalakîya xo de mektubêke pêşkêşê Wezaretê Karanê Teberî yê Swêdî kerde.
