HPG’yî “Fedaîyê Cizîre” Canşêr Jîyan bi vîr ard

Merkezê Çapemenî û Îrtîbatî yê HPG’yî Canşêr Jîyano (Mahsûm Birîman) ke Sibat a 2016’î de Cizîre de hemverê nuqtaya tîmanê taybetan de çalakîya fedaîye kerde, bi vîr ard.

Merkezê Çapemenî û Îrtîbatî yê HPG’yî Canşêr Jiyano (Mahsûm Birîman) ke Sibat a 2016’î de Cizîra Şirnexî de hemverê nuqtaya tîmanê taybetan çalakîya fedaîye kerd, bi vîr ard. HPG’yî eşkerayîye de derheqê nasname û cuya Birîmanî de hayîdarîyî dayî û vat, “Seba ke çalakîyêka fedaîye bîya, dimayê cigêrayîşanê hîrayan ancax qewimîyayîş ameyo zelalkerdene.”

Eşkerayîya HPG’yî ya derheqê Canşêr Jîyanî (Mahsûm Birîman) wina ya:

“Têgêrayîşê azadîye yê Kurdistanî no 40 serrî yo mucadeleyê xo yê azadîye de xeylî qehremanî û fedaîyî vetî werte. Qehremananê fedaîyan yê mucadeleyê azadîye ra yew zî hemra Canşêr Jîyan (Mahsûm Birîman) o ke 12’ê Sibat a 2016’î de Mehlaya Konakî ya Cizîre de serê sibayî hemverê Nuqtaya Kontrolî ya Têgêrayîşê Polîsanê Taybetî de çalakîya fedaîye viraşte. Hemra Mahsûm Birîman 1991 de Cizîra Botan de zereyê keyeyêkê welatperwerî de ame dinya û hewna ke ciwan bi Têgêrayîşê Azadîye yê Kurdistanî nas keno.

Hemra Mahsûmo ke bi vîrameyîşê mucadeleyî yê dedê xo yê şehîdî şehîd Serhatî (Îsa Birîman) beno pîl, bi hawayo ke bibo layîqê şarê Kurdî yê mezlûmî û keyeyê xo beno pîl. Dimayo ke birayê ê Canşêr Tûran (Abdurrahman Birîman) tewrê refanê gerîlayan beno û şehîd keweno hemra Mahsûm zî qerar dano û tewrê refan beno.

Hemra Canşêro ke bi şexsîyetê xo xo fedayê şarê Kurdistanî û Rayber Apoyî keno tena hetê leşkerîye ra nê la heman wextî de hetê îdeolojîk û polîtîkî ra zî xo aver beno û rayraşîyayîşê xo yê şorişî nê bingeyî ser o domneno.

Hemra Canşêrî yo ke timî xeyalê a roje kerdêne ke dişmenî ra hesab biperso û xo seba hemleyanê pîlan amade kerdêne, sey domanêkê Botanî, 2016 de vera prosesê Cizîre yê 2016’î de xo mesuldar vîneno û bi qerarêkê şexsîyî, bê ke hayî bido embazêkê xo, wareyê wezîfeyê xo ra dûrî keweno û verê xo dano bi Cizîre. Pîya bi malzemeyanê leşkerîyan ê ke xo dir berdê, mehlaya ke ûca ameyo dinya û bîyo pîl, ûca hemverê cayê kontrolî yê faşîstanê îşxalkaran bi çalakîyêka fedaîye tewrê karwana şehîdan beno.

Nê bingeyî ser o bi wesîleya Menga Şehîdan a ke ma tede yê, şexsê hemra Canşêrî de ma reyna heme şehîdan bi hurmet û minet bi vîr anê. Sere de keyeyê ercayeyî yê Birîmanî ma hene şarê Botan û yê Kurdistanî yê welatperwerî rê serweşîye wazenê. Ma soz danê ke ma do vîrameyîşê hemra Canşêrî û îdealanê ê, mucadeleyê azadîye de serfiraz bikerê û bidê ciwîyayene.”