Fermandarê HPG’yî Mahîr Denîzî veng da keyeyanê leşkeran ê ke destê înan de yê vat îqtîdar seba ke şima biresê domanê xo çîyêk nêkeno û bi hêrişê heweyîyî wazenê ke înan bikeşê.

Seke yeno zanayene dewleta Tirkî ya ke rayberîya ci Erdogan keno 24’ê Temmuz a 2015’î de  vera Têgêrayîşê Azadîye yê Kurdan planê çokdayîşî vist dewre û dest bi şerekê topyekûnî kerd. Nê 5 serrî yê ke bi pêkewtişanê xidaran ravêrtî de gerîlayanê HPG û YJA Starî ra ca û tarîxanê cîya-cîyayan de polîs, leşker û endamê MÎT’î tepiştî. Nê ke hetê gerîlayan ra ameyî tetpiştene dewlete wayîrê înan nêvîjîyayê û semedê înan çîyêk nêkerd. Pîyê leşkero esîr Muslum Altintaş verê banê HDP’yî cayê  keyeyanê ke yeno îddîakerdene ke domanê înan ko de yê  wazeno lajê ci bêro. Fermandarê Qerargehê Merkezî yê Pawitişê Şarî Mûrat Karayilanî derheqê babete vatbi ke ‘‘Wa her kes bizano ke ê des serrî zî uca ronişê kes do peyser mero.‘‘ Hemserekê Konseya Rayberdişî ya KCK’yî Cemîl Bayikî zî vatbi ke ‘‘Eke yew derdê keyeyan esto, muxatap HDP nê PKK û gerîla yê.‘‘

Fermandarê HPG’yî Mahîr Denîzo ke derheqê babete qisey kerd vist vîrî ke 5 serrî yo polîs, leşker û endamê MÎT‘î destê înan de yê û va: ‘‘Seba dewleta Tirkî û rayapêroyîye çew vano qey nê esîrî qet çîn ê, kes înan nêperseno. Artêşa Tirkî bi hêrişê hewayîyî wazenê ka nê esîran werte ra wedare. Cunke wazenê bikeşê û şarî ra vajê ke PKK’yî leşker û polîsê esîrî kiştî. Xora semedê înan polîs û leşkerê înan bî zî erjê cuya merdimî çîn o.‘‘ Fermandarê HPG’yî Mahîr Denîzî veng da keyeyanê leşkeran ê ke destê înan de yê vat îqtîdar seba ke şima biresê domanê xo çîyêk nêkeno û bi hêrişê heweyîyî wazenê ke înan bikeşê. Ganî keyeyê leşker û polîsan na raştîye bizanê  û kayanê polîtîkayan rê mexapîyê.

Polîs û leşkerê ke destê PKK’yî de nameyê înan wina yê: Sedat Sorgûn, Umît Gicir, Semîh Ozbey, Adîl Kabakli, Muslum Altintaş, Mevlut Kahvecî, Sedat Yabalak, Suleyman Sûngûr, Huseyin Sari.