HPGyî şehîdê Serhedî yad kerdî

HPGyî di gerîlayî Hejar Ararat (Halîs Eroglu) û Ronî Ronahî (Halîs Erdogan)yê ke 12ê temmuze de Erzirom û 19ê êlule de warê Kirêkorî yê Îdirî de şehîd bîyî, yad kerdî.

Merkezê Îrtîbatî û Çapemenîye yê HPGyî bi eşkerayîyêke di gerîlayî Hejar Ararat (Halîs Eroglu) û Ronî Ronahî (Halîs Erdogan)yê ke 12ê temmuze de Erzirom û 19ê êlule de warê Kirêkorî yê Îdirî de şehîd bîyî, yad kerdî.

Eşkerayîya HPGyî wina ya:

''12ê temmuze de warê Şenkaya yê Erziromî de mabênê hêzanê ma û îşxalkeran de şer qewimîya û embazê ma Hejaro ke heta peynî xo ver da, teslîmê dişmenî nêbi, bi çêrî şer kerd û tewrê karwanê şehîdan bi. Zanayîşê derheqê nasnameyê embazê ma Hejarî de wina yê:

Nameyê Qodî: Hêjar Ararat

Name û Peyname: Halîs Eroglu

Cayê Bîyayîşî: Wan

Maye-Pî: Gulnase – Suleyman

Tarîx û Cayê Şehadetî: 12ê Temmuza 2020î / Erzirom

19ê êlule de warê Kirêkorî yê Îdirî de mabênê hêzanê ma û îşxalkeran de şerêk qewimîya. Embazê ma Ronî bi sereyê xo vera artêşa îşxalkere bi çêrî şer kerd û tewrê karwanê şehîdan bi. Zanayîşê derheqê nasnameyê embazê ma Ronîyî de wina yê:

Nameyê Qodî: Ronî Ronahî

Name û Peyname: Halîs Erdogan

Cayê Bîyayîşî: Îdir

Maye-Pî: Habîbe – Şerîf

Tarîx û Cayê Şehadetî: 19ê Êlula 2020î / Îdir

Embazê ma Hêjar Wan de dadîya xo ra bîyo û vera qirkerdişê şarê ma tewrê gerîlayan bi. Embazê ma Hêjarî Eyaletê Serhedî de wezîfeyê pîlî kerdî û bi ruhê milîtanîya Rayber Apoyî vera hêrişan vindert. Embaz Hêjar Başûrê Kurdîstanî de pratîkê xo temam kerd, bi fermandar û xîret kerd ke gerîlatîya dewrê modernî bîyaro ca.Tewr peyên embazê ma Hêjar Erzirom de derbê giranî dayî dişmenî ro. Dima şehîd bi û bi sembolê ruhê hêrişanê vera dişmenî.

Embazê ma Ronî Serdeh de dadîya xo ra bîyo û serra 2014î de tewrê gerîlayan bi. Embaz Ronî bi rîyê xo yê huyayeyî, coş û fedakarîya xo embazanê xo rê bi çimeyê moralî.  Embaz Ronîyî bi beşdarîya çalakîya Serhedî kerd e Hemleya Şorigêre ser bikewa. Embazê ma operasyonê 12ê êlule de rixmê vengdayîşanê 'teslîm bibe' rêçê Mazlûm û Kemalan de vato 'Xoverdayîş cu yo' û tewrê kerwanê bêmergan bi.

Ma embazanê xo bi hûrmet û minet yad kenê, ma soz danê ke ma do tewirê embazanê xo tewrê têkoşînê xo bikerê û xeyalê înan bîyarê ca. Sere de keyeyanê ercîyayeyan ê înan rê ma pêro şarê Kurdîstanî yê welatperwerî rê serweşîye wazenê.''