Polîsanê Asayîşê Swêdî raporê xo yê 2020î de eşkera kerd ke hûmra cerganê ke wazenê şîdet bikerê roje bi roje zêdîyena. Goreyê raporî hûmara cergan mîyanê 10 serran de 200 ra zêdîyaye bîye 2000.

Wezîrê Karanê Zereyî Mikael Dambergî, pisporê asayîşî û sîyasetmedarî zî verî tewrê bernameyê SVTyî yê Swêdî bîyî û da zanayene ke tedbîrê Swêdî yê vera cerganê DAÎŞî û komanê îslamîyan qîm nîyê. Dambergî îtîraf kerd ke wexto ke bi seyan cergê DAÎŞî şîbî Sûrîye û tewrê DAÎŞî bibî qet yew amadekarîya înan çinbî.

Pisporê Terorî Magnus Ranstorpî eşkera kerd ke keyeyêkê swêdijî xîret kerd ke verê tewrbîyayîşê lajê co bigêro la nêeşka, lajê înan merd. Ranstropî vat: ''No tewir têna Swêdî rê netê keyeyan rê zî îxanet o.''

Swêd de hema zî qet yew endamê DAÎŞî nêame muhakemekerdene.Qanûnê serê DAÎŞî zêdêr vera kurdan şuxilîyena. Mîyanê serrêke de nêzdîyê 30 kurdî ameyî sînorî ra teberkerdene, bêsûcî karî ra ameyî vetene.

Par menga nîsane de kurdîstanij Resul Ozdemîr teslîmê Tirkîya amebi kerdene.Swêdî wextêkê verî zî seba dadîya di domanan Zozane Buyuk (30) bira da bi sînorî ra bêra teberkerdene.