KCDK-E pê eşkerayîyêke vist vîrî ke Wezaretê Karanê Teberî yê Amerîka derheqê rayberanê têgêrayîşê azadîye yê Kurdîstanî Cemîl Bayik, Murat Karayilan û Duran Kalkanî de 4ê teşrîna peyêne ya 2018î de birêke daye xelata 12 mîlyon dolarî naye sereyê nînan ser.

KCDK-E da zanayene ke ê vera na bire 29ê nîsane de (siba) kampanyayêke danê destpêkerdene. KCDK-E vat: ''Seba ke Amerîka bira derheqê 3 temsîlkaranê kurdan apey bigêra ma pê şîarê 'Temsîlkarê kurdan terorîst nîyê' kampanyayêke danê destpêkerdene. Kampanya 4 hewteyan verê sersefîrîyanê Amerîka de bêra kerdene û waştişê ma pê dosyayêke teslîmê înan do bêrê kerdene. Nawnayîşan de waştişanê ma sero qiseykerdişî do bêrê kerdene, sere de KCDK-E pêro dezgehê ma, pêro kurdîstanij û dostê ma Serekê Amerîka rê mektuban do bierşawê ke wa na bire apey bêra girewtene.

Ma sey KCDK-E venga şarê xo, dostanê xo danê ke bi xurtî tewrê çalakîyan û kampanyaya îmzayan bibê ke Amerîka na bire ra fek vera bida.''