Koordînasyonê KJKyî derheqê 25ê Teşrîna Peyêne ya Roja Tekoşînê  Vera Şîdetê Serê Cinîyan de beyanetêko nuştekî weşana û seba têkoşînê hemparî venga cinîyan da.

Beyanatê KJKyî  tayî cayî wina yê:

"Têkoşînê cinîyan, hêzê tewirê cinîyan, xoverdayîş û xebata cinîyan do aqibetê seserra 21.e kifş bikê. Têkoşînê ma her roje, her hêle dewam keno. Bi awankerdişê rêxistinkerdişan ê hemparan têkoşînê azadîye yê cinîyan do ser bikewo. Yewbîyayîşo hempar esasê têkoşînê hempar ê cinîyan o.Ma sey cinîyan ganî 25ê Teşrîna Peyêne ya Roja Tekoşînê Vera Şîdetê Serê Cinîyan de Kurdîstan de, Tirkîya de, Rojhelatê Mîyanênî de bi hawayêkê xurtî tewrê çalakîyan bibê.Sere de cînîyan ê kurdan û cinîyan ê Rojhelatê Mîyanênî ma venga pêro cinîyan danê ke 25ê teşrîna peyêne de seba ke ma pîya bi awankerdişê yewîya cinîyan û têkoşînê hemparî vera şîdetî vinderê tewrê çalakîyan û aktîvîteyan bibê. Ma venga camêrdanê ke vera şîdetî, pederşahîye û şerî vindenê danê ke ê zî wa tewrê têkoşînê ma bibê. Ma sey cinîyan seba ke dinyayêka têdûştîye, azadîye, demokartîke û rinde awan biba rayberîye bikê. Ma xeyalê cuya azade yê her kesî bi têkoşîn û xoverdayîşê xo do bîyarê ca."