Şaristanê Kolnî yê Almanya de pê organîzasyonê KOMAW, FED-MED, NRW, YJKE û Yewîya Hêzê Demokratîkî şehîdê menga gulane ameyî yadkerdene û vera hêrişanê îşxalî yê dewleta tirke seba geşkerdişê têkoşînî veng ame dayene.

Aktîvîte meydanê Kolnî de ameye kerdene. Hemsereka FED-MEDî Aytene Sunger aktîvîde de qisey kerd û pare kerd ke şehîdî wezîfe û perwerîye  visnenê vîrê şarî.

Hemserekê Federasyonê Medî Engîn Severî zî da zanayene ke dewleta tirke pê destekê NATOyî wazena Başûrê Kurdîstanî îşxal bikera. Severî vat: ''Ganî gerîlayî nê xoverdayîşî de têna nêmanê. Ganî şarê ma paştî bido têkoşînî. Dewletê kolonyalîstî wazenê erjanê şehîdanê ma çin bikerê la ciwanê kurdî pê hêrsêkê pîlî cewab danê hêrişanê înan.''

Aktîvîte de Hozan Comerd vejîya sehne ser.