Koma ke Almanya ra ameye Nobeta Azadîye dewr girewte

Nobeta Azadîye ya ke şaristanê Strasbourgî yê Fransa de hewteyê 460. de dewam kena, hetê koma Mannheim û Saarbruckenî ra ameye dewrgirewtene.

Nobeta Azadîye ya ke semedê azadîya fîzîkîye ya Rayberê Şarê Kurdî Abdullah Ocalanî 25ê hezîrana 2012î de ameye destpêkerdene hewteyê 460. de ya.

Nobeta  her hewte şaristanê Strasbourgî yê Fransa de verê Mehkemeya Heqanê Merdiman a Ewropa, Konseya Ewropa, Parlamentoya Ewropa û Komîteya Vergirewtişê Îşkenceyî ya Konseya Ewropa (CPT) de pê komêka cîya yena kerdene.

Hewteyê 460. de şaristananê Mannheim û Saarbruckenî ra kurd û dostanê ci nobete dewr girewte. Koma Nobeta Azadîye de Alî Can, Kaşem Agirman, Nezîr Botan û Îdrîs Rojava ca gênê.

Alî Canî nameyê kome ser o qisey kerd. Alî Canî pare kerd ke seba azadîya kurdan her ca de têkoşîn esto û Nobeta Azadîye zî qerardarîya nê têkoşînî mojnena.

Alî Canî îfade kerd ke welatê Ewropa temsîlkarê modernîteya kapîtalîste û hemkarê tecrîdî yê. Alî Canî vat: ''Şîaro esas ê Nobeta Azadîye caardişê azadîya Rayber Apoyî yo. Kurdî pê na çalakîye mojnenê ke mefteyê çareserîye Îmrali de yo.''
Alî Canî venga kurdîstanijanê Ewropa da ke seba caardişê armancê grevê vêşanîye yê tepişteyan CPTyî rê teda bikerê.