Partîya Sosyala Demokrate (SPDya ke Demokratanê Xirîstîyanan reyde hemparê hukmatê Almanya ya, 9ê gulane de bi hawayêkê îstîsnayî kongreya xo do bikera. Seba kongre vernîyazêk ame pêşkêşkerdene ke şarê Rojawanî eleqedar keno.

Rêxistina Eyaletê Berlinî ya SPDyî pê nameyê 'Paştdayîşê Rojawanî' vernîyazê bi 20 madeyan pêşkêş kerd. Seba qebulkerdişê nê vernîyazî KON-MEDî delegeyanê kongre rê mektubêke erşawite.

KON-MEDî pare kerd ke kurdê Almanya wazenê vernîyaz wa bêro qebulkerdene. KON-MEDî da zanayene ke seba nînan kêfweşî ya ke meseleya komelê kurdan bêra nîqaşkerdene û mektube de wina vat:

''Qebulkerdişê vernîyazî têna vurnayîşê sîyasetê teberî yê Almanya rê fayde nêkero heman wextî de do bimojno ke SPD eleqe mojneno meseleyanê kurdanê Almanya.''

Vernîyaz bi taybetî hêrişê dewleta tirke yê vera Rojawanî ser o vindeno û angela Merkel ra yeno waştene ke vera hêrişan têbigêra.