Polîsanê  almanî serê sibayî Heilbron û Esslîngen de eşt keyeyê Hemserekê Federasyonê FCK-BW Bayernî Saît Ozturk û deyîrbaz Mazlûm Dorayî ser.

KON-MEDî ke derheqê babete eşkerayîye daye vat: ''Gama ke polîsan eşt keyeyê Saît Ozturkî ser meymanêkê  ci yo ke seba ke Ozturk neweşo ameyo zîyaret ey, o destbend kerd. Reyna Esslingen de zî deyîrbaz Mazlûm Dora ame destbendkerdene. Dewleta almanî bi tekîlîya xo ya leşine ya bi dewleta tirke kurdan krîmînalîze kena. Ma no nizdîbîyayîşê înan ê vera sazgehanê ma kurdan û rayberêna ma şermezar kenê. Şarê kurdî do çirey nê polîtîkayanê krîmînalîzasyonî qebul nêkero. Dewleta almanî ganî herinda zextê vera kurdan de semedê çareserkerdişê meseleya kurdî têbigêro.''