Koyan de merdimê qijî çin ê: Nûrhak Sîser

Nûrhak Sîser heta serra 2017î wextê şehadetê xo bi tersê dişmenî. Sîser bi rîyê xo yê huyayeyî, qerardarîya xo û zanayîşê xo tim vîrê merdiman de yo.

Nûrhak Sîser (Mehmet Bekîr Başboga) serra 1988î de Bedlîs de keyeyêkê welatperwerî de dadîya xo ra bi. Sîser serra 2009î de Aydinî ra tewrê gerîlayan bi. Bi nê hawayî qala tewrbîyayîş û armancê xo kerdêne:

"Ez mîyanê şertanê başan de ciwîyayêne la mi tim hîs kerdêne ke çîyêk kêm o. Ez sey ewladê nê welatî seba ke rewşa şarê xo ra biba cewabêk tewrê gerîlayan biba. Mi seba ke xo sey dayndarê şehîdan û Rayber Apoyî hîs kerdêne tewrê gerîlayan bîya. Dima ke ez ameya koyan bêguman rewşe zaf zêde cîya bîye. Merdim koyan de cewher û cuya azade ciwîyeno. Nê koyî bi îdeolojîtê Rayber Apoyî û embazîye hîna rindêr benê. Mi baş fam kerd ke nê koyan de merdimê qijî çin ê û nê koyan de seba merdimanê qijan cara cayêk çin o. Çunke nê koyî merdiman kenê weye. "

Sîserî dima ke xo resna koyan her hetî ra xo perwerde kerd. Tewr peyên perwerdeyê sabotajî dî û serra 2013î de derbazê Eyaletê Cîlo yê Zagrosan bi. Sereberzî û çetinîya Cîloyî hêzê Nûrhakî xurtêr kerd. Serra 2015î de warê Derîya Caferî de fermandarîya yewînêke kerde. Herêma ke tede hem fermandarîye kerdêne hem zî karê sabotajî kerdêne. Hetê lleşkerî ra wayîrê tecrûbe û waştişî bi. Fermandarêko çalakîker bi.

Serra 2016î de Cîlo wextê operasyonêkî de dormeyê 5 embazanê Nûrhakî hetê dişemanan ra ameyî girewtene. Warê operasyonî de bi rayîrê cîhazê xo Nûrhakî embazabê xo rê vano: ''Vengê vergan yeno?''  Embazê ci zî fam kenê ke Nûrhak wazeno vajo: ''Ma embazan reyde yenê, ma do çember çin bikerê û şima bixelisnê.'' Gerîlayî cewab danê vanê: ''Heya vengê vergan yeno'' Gerîlayî wazenê vajê: "Ma zanenê ke ti tîya de yî, ti ma ca nêverdenî.'' Dişmenî vengê Nûrhakî şinasnenê cade tebdîrî gênê; helîkopterî sewqê warî kenê. La çember yeno çinkerdene.

Şehadet û Milîtanîya Bêhempa...

9ê temmuza 2017î de Nûrhak reyna xo seba cengî amade keno. Goreyê plansazîya çalakîye Gever de do bidayêne 3 noqtayanê cîyayan ro. Cayê çalakîye bizehmet bi. Nûrhak û embazanê ey xo resnenê Gever û rayberîya Nûrhakî de govendê azadîye kenê. Bi çalakîyêke 15 polîsî yenê kiştene, 2 tankî û TOMAyêk yenê îmhakerdene. Fermandarê na çalakîye Nûrhak bi. Çalakîya ra dima reyna deştî ra derbaz benê. Nûrhak embazanê xo erşaweno û seba ke derheqê çalakîye de zanayîşan bigêra nêzdîyê dewe de maneno. Dewijê ke notir bîyî pê Nûrhakî û embazanê ci hesîyenê û ci rê dafike nanê ro. Şer de Nûrhak Sîser û embazêke tewrê karwanê şehîdan benê. Peynî de cuya ci ya destanî û milîtanîya ci ya bêhempa mendî.