Xeylêk şaristananê Ewropa de kurdîstanijan pê çalakîyan tecrîd protesto kerd û azadîya Rayberê Şarê Kurdî Abdullah Ocalanî waşte.

Darmstadt

Darmstadt de kurdîstanijan pê çalakîyêke tecrîdê Rayberê Şarê Kurdî Abdullah Ocalanî şermezar kerd û hêrişê îşxalî yê vera Herêmanê Pawitişî yê Medya zî protesto kerdî. Qiseykerdişan de ame vatene ke Almanya paştî dana dîktator Erdoganî.

Çalakîye ewro do Frankfurt de dewam bikera.

Stockholm

Çalakîya ke her roja çarşemeyî seba azadîya Ocalanî çarçewa Hemleya Wextê Azadîye de yena kerdene no hewte zî dewam kerde. Çalakîye qasê saetêke dewam kerde û pê sloganan qedîyaye.

Cenevre

Cenevre de zî çalakîya ke her roja çarşemeyî seba azadîya Ocalanî çarçewa Hemleya Wextê Azadîye de verê Neteweyanê Yewbîyayeyan de yena kerdene no hewte zî dewam kerde. Çalakîkeran hêrişê îşxalî yê vera Herêmanê Pawitişî yê Medya zî şermezar kerdî.

Wezîrê Karanê Teberê Mevlut Çavuşoglu saeta çalakîye de Cenevre de bi. Kurdîstanijan Çavuşoglu protesto kerd û da zanayene ke heta ke Ocalan azad bibo ê do meydanan de bibê.