Dîwanê Hemserekîye yê KCDK-E bi eşkerayîyêka nuştekîye da zanayene ke 8ê gulane (siba) roja şemeyî do semedê protestokerdişê îşxalê vera Efrînî, dareştişê Îran û hêrişê îşxalî yê vera Herêmanê Pawitişî yê Medya Ewropa, Awusturya û Kanada de do çalakîyî bêrê kerdene û semedê tewrbîyayîşê nê çalakîyan veng da.

Eşkerayîye de xoverdayîşê gerîlayan ê Herêmanê Pawitişî yê Medya sey pawitişê heme Kurdîstanî ame namekerdene û ame vatene ke no têkoşînê vera qirkerdişê kurdan o, coka ganî her hetî ra bêro wayîrvejîyayenê. KCDK-E veng da heme kurdan, roşnvîr, şorişgêr û demokratanê Tirkîya û dostanê kurdan ê ewropayijan ke sey seferberîye tewrê nê çalakîyan bibê.