Kurdîstanijî û dostê înan xeylêk bajaranê Fransa, Almanya û Swîsre de pê çalakîyan hêrişê vera kurdan şermezr kerdî û mesajê pîlkerdişê tekoşînî dayî.

Paytextê Almanya Berlin de vera hêrişanê îşxalî yê vera Herêmanê Pawitişî yê Medya çalakîyêke ameye kerdene.

Bajarê Dresdenî yê Almanya de semedê şermezarkerdişê hêrişê vera Metîna, Avaşîn û Zapî xeyme ameye akerdene û stand ame ronayene.

Bajarê Hildesheimî yê Almanya de zî semedê şermezarkerdişê hêrişê îşxalî yê dewleta tirke rayraşîyayîşêk ame kerdene.

Paytextê Fransa Paris de bi rayraşîyayîşêk hêrişê îşxalî yê vera Herêmanê Pawitişî yê Medya ameyî şermezarkerdene û xoverdayîşê gerîlayan ame selamkerdene.

Bajarê Marsilya yê Fransa de ciwananê kurdan semedê şermezarkerdişê qerarê Amerîka yê vera hîrê kadroyanê serkêşan ê PKKyî mîtîngêk viraşt.

Bajaranê Orebro û Västeråsî yê Swîsre de zî vera hêrişanê îşxalî û tecrîdê serê Rayberê Şarê Kurdî Abdullah Ocalanî çalakîyî ameyî kerdene.