'Ocalanî rê azadîye Kurdîstanî rê haştîye'

Bajaranê Koln û Bielefeldî yê Almanya de çalakîyê xeyme yê hîrê rojan ê ke semedê azadîya Rayberê Şarê Kurdî Abdullah Ocalanî ameyî kerdene vizêr qedîyayî.

Bajaranê Koln û Bielefeldî yê Almanya de çalakîyê xeyme yê  hîrê rojan ê ke semedê azadîya Rayberê Şarê Kurdî Abdullah Ocalanî ameyî kerdene vizêr qedîyayî.

Çalakîya Kolnî ke bi şîarê ''Ocalanî rê azadîye Kurdîstanî rê haştîye'' ameye kerdene Dortmund, Essen, Krefeld û Bonn ra kurdîstanijî tewrê ci bîyî. Çalakî ye de  tecrîd ame şermezarkerdene û azadîya Abdullah Ocalanî ameye waştene. Sîyasetmedaro kurd Lezgîn Botanî ke çalakîye de qisey kerd, bale ante muhîmîya rolê Rayberê Şarê Kurdî ser û vat: ''Seba ke Abdullah Ocalan raberêko altarnatîf nîşan dano yo binê tecrîdî de yeno tepiştene. La o rixmê heme zehmetîyan semedê şaranê Kurdîstanî xo ver dano. No xoverdayîş semedê qedînayîşê kaosê Rojheletê Mîyanênî yo.''

Bielefeld de zî çalakîya ke hîrê rojî yo yena domnayene vizêr bi rayraşîyayîş û mîtîngêkî qedîyaye. Çalakîye de ame vatene ke heta azadîya fîzîkîye ya Abdullah Ocalanî ê do kuçeyan de bê. Çalakîye de seba ke Neteweyanê Yewbîyayeyan rê bêrê şawitene îmzayî zî ameyî arêdayene.