Ewropa de çalakîyê vera tecrîdê serê Rayberê Şarê kurdî Abdullah Ocalanî dewam kenê.

Ewro reyna Fransa, Almanya û Swîsre de kurdîstanijan û dostanê înan tecrîdê Îmraliyî şermezar kerd û azadîya Abdullah Ocalanî waşte.

Paytextê Fransa Paris de ciwanan banê Radio France de seba azadîya Abdullah Ocalanî çalakîyêke kerde.

Paytextê Belçîka Bruksel de kurdî verê Konseya Brukselî de ameyî têhet û vera tecrîdî nêrazîbîyayîşê xo ard ziwan.

Paytextê Swîsre Bern de kurdîstanijê ke semedê cuya Abdullah Ocalanî qisawet kenê bi vengdayîşê çalakîya lazabeze vejîyayî kuçeyan.

Bajarê St. Gallenî yê Swîsre de zî ciwanan derheqê tecrîdî dosyayî dayî Tagblatt TV, Rojnameyê Tagblattî û xeylêk dezgehanê çapemenîye yê bînan.

Bajarê Baselî yê Swisre de zî kurdîstanijî bi eynî waştişî kuçeyan de bî. Reyna  Zurih, Cenevre û Luzern de zî kurdş û dostê înan vejîyayş meydanan û azadîya ocalanî waşte.

Bajarê Wuppertalî yê Almanya de zî sekêşîya dezgehanê kurdan de 18 dezgehan pê wendişê vilawekê hemparî tecrîd şermezar kerd.