MED TUHAD-FEDî raporê xo yê zîndanan eşkera kerd

MED TUHAD-FEDî raporê xo yo hewteyane yê zîndanan amade kerd-

Federasyonê Komeleyanê Paştdayîşê Huqûqî yê Bi Keyeyanê Tepişteyan û Hukmwerdeyan (MED TUHAD-FED) raporê xo yo hewteyane yê derheqê zîndanan de eşkera kerd.

Eşkerayîye de ame parekerdene de zîndanî seba cuyêka bi weşîyêka başe pakî nîyê, vîrusê Korona ra ganî rewşa pêro tepişteyan ganî newe ra bêra ercnayene. Ame îfadekerdene ke çarçewa tebdîranê vera Korona de ganî zîndanî nêrê peygoşkerdene, mabênê tepişteyan de cîyatîye nêra kerdene. 

MED TUHAD-FEDî raporê xo de bale ante nê xusûsan ser:

''Tay zîndanan de malzemeyê pakîye, dezenfektan û kolonya nêdîyenê tepişteyan. Zîndanî nênê dermankerdene.

Koxuşan de ke ganî hûmara tepişteyan kêm biba, zaf tepişteyî neçarîye ra manenê.

Wezîfedarê zîndanî bêtebdîrî şinê koxuşan

Tay zîndanan de tepişteyî nênê berdene bi nêweşxaneyan

Zîndanê Afyonî de peymitişê payanser bi zorî tepişteyan rê yeno kerdene, tepişteyê ke naye qebul nêkenê benê hedefê hêrişan, waştişnameyê vera caardişê xirabî hetê îdareyê zîndanî ra nênê ercnayene.

M. Fatîh Bîngulo ke Zîndanê Tarsusî ra surgunê Zîndanê Aksarayî ame kerdene mengêke hucreyê yewkesî de yeno tepiştene û îşkence bi ey yeno kerdene.

Zîndanê Sîyasîyan ê Aksarayî de îdareyî tepişteyan rê vat ke ''Şima neçare yê ke goreyê qaîdeyan têbigêrê, nêbo ma do yewê bivîrusî bîyarê mîyanê şima'' û tepişteyan rê gef wend.

Zîndanê Trabzonî de Îmdar Bîngulo ke hucreyê yewkesî de yeno tepiştene bêsemed yeno tecrîdkerdene

Garîba Gezera ke Zîndanê Tarsusî ra surgunê Zîndanê Kayserî ameye kerdene hucreyê yewkesî de yena tepiştene û grevê veşanîye kena. Goreyê zanayîşan rewşa ci ya weşîye hol nîya.

Zîndanê Kalkandere yê Rîze de vera vîrusî tebdîr nêame girewtene û malzemeyê pakîye nêdîyenê tepişteyan.