HDP’yî projeyê xo yê Çewlîgî eşkera kerdî
Namzedanê hemşaredarîye yê HDP’yî yê Çewlîgî projeyê xo eşkera kerdî.
Namzedanê hemşaredarîye yê HDP’yî yê Çewlîgî projeyê xo eşkera kerdî.
Namzedanê hemşaredarîye yê Partîya Şaran a Demkoratîke (HDP) yê Çewlîgî Senem Çakase û Hîşyar Ozsoyî, kafeyêk de rojnamegeran de ameyî têhet û qalê projeyanê xo kerd.
Namzedanê HDP’yî qiseykerdişanê kilman ra dima tayê projeyê xo wina eşkera kerdî:
Projeyê HDP’yî yê Çewlîgî wina yê:
* Ma do meclîsê bajarî, meclîsê taxe, meclîsê cinîyan, meclîsê ciwanan ê ke rastarast şar zî tede do bibo û wextanê qerargirewtişan de wayîrê qiseyî bibo bîyarê pê. Ma do pîya qerar bigêrê û bajarî îdarê bikerê.
* Bajranê Vakurê Amerîka û Ewropa reyde projeyanê ‘şaredarîye waye û biratîye’ bivirazê û Yewîya Ewropa û dezgehanê fînansan ê mîyanneteweyan ra bi girewtişê hîbeyan ma do butçeyanê xo bizêdnê. Ma do wareyê mîyanneteweyî de torreyanê paştdayîşan ê ekonomî awan bikerê.
* Bi lezabezkerdişê Projeyê Bedilnayîşê Bajarkîyî yê Etapî yo 2. yê Taxa Kulturî hemwelatijê ma yê ke wayîrê heqe yê û ma do mexdurbîyayîşê înan çareser bikerê.
* Ma do her di hetanê bajarî de adetêk ‘Bazarê Bajarî yo Vindete’ awan bikerê. Ma do nê bazaran ra beşêk sey ‘Pazarê Beranê Dewe’ awan bikerê.
* Seba çareserkerdişê persa trafîkî ya ke seba bajarî bîya alozîye, bi beşdarbîyayîşê heme dezgehan ê ke na babete reyde eleqedar ê ma Planê Master ê Trafîkî amade bikerê û dest bi xebatan bikerê.
* Ma do otoparko biqatin o ke bi ûcreto nizm xizmet dano awan bikerê.
*Ma do tewr şenik 5 herêman de îmakanê kreşanê bêpere û zafziwanan pêşkêş bikerê. Bi nê kreşan hem cuya rojane de cinîya de hetkarîye bikerê û hem seba ke ziwanê xo asan bimusnê domanê xo ardim bikerê û hem zî îstîhdamê cinîyan zêde bikerê.
* Hemê aktîvîteyê atolye, konferans, festîvale, tîyatro yê ke wareyê huner û kulturî de yenê viraştene seba ke kurmancî û kirmancî xurt bibê xebatan bikerê.
* Merkezê perwerdeyî û kampê hamnanî, tesîsê sporî, kreşê ke ma do awan bikerê de leyê tirkî reyde kirmanckî û kurmancî zî perwerdeyan biderê.
* Seba vewre reyde têkoşîn kerdene de ma do ekîpanê profesyonelan ê pêtan bivirazê. Ma do bajaranê welatanê Îskandînavan reyde bi xurtkerdişê projeyanê waye û biratîye ekîpman û wesayîtanê vewrepakkerdişî bîyarê welatê xo.
* Ma do bi heme dînamîkanê bajarî reyde hemkar bixebite û komela vera feqîye de têkoşînkerdişî, xidayo bêûcret, bankayê kinc û kolî, seba hewcadarîya kesanê ke bi werdê germinî esta wesayîtanê mobilî bivirazê.
* Ma do şaredarîya ma de Mudirîya Koordînasyonê Cuya bêastengîye awan bikerê. Mudirîye de teyna hemwelatijê ma yê astengdarî do bêrê îstîhdamkerdene; ma heme projayê na mudirîye yê ke dezgehanê sîvîlan reyde do bêrê kerdene paşt bidê ci.
* Seba ke persê ke cinîyî ciwîyenê binê ra çareser bibê ma do Mudirîya Polîtîkayan ê Cinîyan awan bikerê. Bapesteyîyanê na mudirîye reyde îstîhdamê cinîyan, şîdetê vera cinîyan reyde têkoşîn, yewîyê perwerdeyê cinîyan û merkezê cuye yê cinîyan do bêrê akerdene.
* Ma do tewr tay 5 nuqtayanê bajarî de keyeyanê tazîye yê cinîyan awan bikerê.
* Meclîsê ciwanan, STK û dezgehanê rayapêroyî reyde ma xebatan bikerê û verê xokiştiş û xebitanîyîşê maddeyê heşberdoxî de tedbîran bigêrê
* Unîversîteya Çewlîgî reyde bi hemparî, seba ke ciwanê ma dinya hîna nêzdî ra bivîne û nas biker, îdareyê xoserî, şaredarîyî û unîversîteyan ê teberî de reyde programanê xurtbîyayîşê sosyal û perwerdeyî do bîyarê ca.
* Bi ekîpmananê weşîye yê gêrêyoxan, taxe û dewan de xabetê weşîya, kontrolî awa şimitişî, perwerdeyê ziwanê dayîke û pakkerdişî do biderê.