Nasnameyê gerîlayê şehîdî ame eşkerakerdene

Komîteya Paştdayîşê Keyeyanê Şehîdan a PKKyî da pêhesnayene ke gerîlayê PKKyî Mîlîtan Cûdî menga teşrîna peyêna 2019î de şehîd bîyo.

Komîteya Paştdayîşê Keyeyanê Şehîdan a PKKyî eşkera kerd ke gerîlayê PKKyî Mîlîtan Cûdî (Hêja Nasif Faik Ali Huseyin) menga teşrîna peyêna 2019î de netîceya hêrişê hewayî yê dewleta tirke yê vera Herêmanê Pawitişê Medya de şehîd bîyo.

Eşkerayîye de bale ameye ser antene ke hêrişê dewleta tirke de rolê hemkaran zî esto û nê ameyî vatene: ''Hemra Mîlîtano ke nimûneyo tewr rind ê xoverdayîşê şarê Başûrê Kurdîstanî bi 2019 de Herêma Pawitişê Medya de netîceya hêrişê hewayî de şehîd bi. Sereyê keyeyê embezê ma Mîlîtanî, şarê Başûrê Kurdîstanî, şarê ma û partîya ma weş bo. Ma soz danê ke ma do mucadeleyî pîl bikerê û waştişanê şehîdan bîyarê ca.

Hemra Mîlîtan bajarê Halepçe yê Başûrê Kurdîstanî de ameyo dinya û sere de Qirkerdişê Halepçe pê goştarîkerdişê qirkerdişanê vera kurdan biyo pîl û qerar girewto ke cewabê nê hêrişan bido. Mîlîtan Cûdîyî 2009 de PKK nas kerd bi serran warê komelkî de falîyet rayra berd û dima ra 2015 de verê xo da sefanê gerîlayan. Hemra Mîlîtanî vera xayînîye û hemkarîye  ameyoxê kurdê/a azadî/e PKKyî de dî û na xete  de mucale kerd. Hemra Mîlîtano ke gerîlayêko bihêz ê PKKyî bi şorişê zîhnîyetî ra bawer kerdêne û no bi tewirê xo ramotêne. Serkeşîya şehîdê ma yê pîlî hemra Helmetî de xo aver berd û bi îdîya pîle hedef kerdêne ke serkeşîya azadîye bikero. Heme waranê Başûrê de mend û her ca de wezîfeyê xo bi serkewişî ardî ca. Akademîya Alî Çîçek û dima ra Akademîya Çapemenîye ya Gurbetelî Ersoz de perwerde dî.

Tarîxê Kurdîstanî de xayînîye û hemkarîye wextê nizdîbîyayîşê serkewtişî de tewr zaf xo ramojnenê. Ma prosesê winayên de yê. No demo ke paradîgmaya Rayber Apoyî bîya global û PKK xo pîlêr keno de xayînîye û hemkarîye sey axûyî fînenê mîyanê şarê ma, ganê ewladanê ma yê tewr erjîyayan genê. Şehadetê hemrayê ma Mîlîtanî ke engişta xayînîye tede esta semedê mucadeleyê ma vînîbîyayîşo pîl o. Ganî şarê ma vera hêrişan zafêr hîşyar bo û vera xayînan tewir ramojno. Ma zî do vera nê hêrişan mucadeleyî pîl bikerê qesasê şehîdan bigerê. Ma şexsê hemra Mîlîtanî de heme şehîdanê xo bihurmet yad kenê û sozê serkewtişî newe kenê. Ma veng danê  ke sere de Halepçe û Başûrê Kurdîstanî wa ciwan û cinîyê heme Kurdîstanî vera faşîzmî û hemkarîye tewrê sefanê gerîlayan bibê ke wa qesasê Mîlîtanan bêro girewtene û xayînîye û hemkarîye Kurdîstanî ra berê vetene û cuya azade bêro ronayene.''

Nasnameyê gerîlayê ke şehîd bi wina yo:

Name û Peyname: Hêja Nasif Faik Ali Huseyin

Nameyê Qodî: Mîlîtan Cûdî

Cayê Bîyayîşî: Halepçe

Maye-Pî: Nîgare –Nasif Faik Ali Huseyin

Tarîx û Cayê Bîyayîşî: 1994 / Halepçe

Tarîx û Cayê Şehadetî: 2019 / Herême Pawitişî yê Medya