Nobeta Azadîye ya ke 25 Hezîran a 2012’î de vernîya Konseya Ewropa de dest pêkerde û heta ewro bêmabên dewam kena hewteyê 360. de hetê grûba Oldenburgî ra dewr gerîyaye.

Grûba Oldenburgî yê Amanya ya ke Kurdistanijî Denîz Aydin, Heci Temo û Selahattîn Ege tede ca gênê roja şeme çalaki grûba Berlînî ra dewr girewte.

Çalakwananê Nobeta Azadîye bi eşkerayîyêk bale ante muhîmîya mucadeleyî ser û ard ziwan ke bi xoverdayîşê vera tecrîdî, 8 serrî ra dima Ocalan dir pêvînayîş ame viraştene. Çalakwanan  Ocalanî rê giredayîye xo ard ziwan û vat  ke ê do çirey cuyeyêka bê Ocalanî qebûl nêkerê. Çalakwanan  xoverdayîşê greve vêşanîye, rojeyê mergî û xoverdayîşê dayîkanê tepişteyan zî silam kerd û semedê girdkerdişê xoverdayîşî veng da.

Çarçeweya Nobeta Ocalanî rê Azadîye de her roje serê sibayî ra heta şan vernîya Konseya Ewropa de nobete yena tepiştene û derheqê felsefeya Ocalanî û tecrîdê serê ci de zanayîş yeno dayene.