Nobeta Azadîye her hewte şaristanê Strasbourgî yê Fransa de pê komêka cîya yena kerdene û emser serra 9. ya çalakîya nobete ya. Nobeta Azadîye 25ê hezîrana 2012î ra nata seba azadîya Rayberê Şarê Kurdî Abdullah Ocalanî yena kerdene.

Çalakîye verê Mehkemeya Heqanê Merdiman a Ewropa, Konseya Ewropa, Parlamentoya Ewropa û Komîteya Vergirewtişê Îşkenceyî ya Konseya Ewropa (CPT) de yena kerdene.

Nobete hewteyê 465. de pê koma Dusseldorfî ya Almanya dewam kena. Kome de kurdîstanijî Ayvaz Ece, Bedran Aydenîz û Ayvaz Acar ca gênê.

Ayvaz Eceyî nameyê kome ser o qisey kerd. Ayvazî şehîdê menga gulane yad kerdî, xoverdayîşê gerîlayan û xoverdayîşê zîndanan ê vera tecrîdî selam kerdî. Eceyî bêvengîya Ewropa ya vera hêrişanê îşxalî yê dewleta tirke şermezar kerde û da zanayene ke kurdan DAÎŞ çin kerd coka Ewropa deyndara kurdan a.

Eceyî ard ziwan ke şarê kurdî do têkoşînê azadîye bi azadîya Rayberê xo ser bivisnê. Eceyî vat: ''Tecrîdê vera Rayber Apoyî sûcê merdimîye yo. Ma venga dewletanê Ewropa danê ke wa krîmînalîzkerdişê kurdan war verdê.''

Eceyî bale ante cezaya dîsîplînî ya vera Rayberê Şarê Kurdî Abdullah Ocalanî ser û vat: ''Na ceza nêna qebulkerdene. Wa kurdî her ca de xoverdayîş pîl bikerê.''