Endamanê Meclîsê Şarî yê Baselî Nobeta Azadîye dewr girewte û venga dezgehanê Ewropa da ke erkanê xo bîyarê ca. Serhat Yildizî vat: ‘’Azadîya şarê kurdî pabesteyê azadîya Rayber Apoyî ya. Ma do bi qerardarî nê têkoşînî bikerê.’’
Nobeta Azadîye ya Strasbourgî seba azadîya Raybe rApoyî hewteyê 679inî de dewam kena. No hewte Endamanê Meclîsê Şarî yê Baselî Nobeta Azadîye dewr girewte. Kome de kurdîstanijî Serhat Yildiz, Faruk Turkhan û Taylan Akdemîr cagênê.
Nameyê kome ser o Serhat Yildizî qisey kerd û pare kerd ke ê azadîya Rayber Apoyî wazenê. Yildizî vat: ‘’CPT, Konseya Ewropa, Parlamentoyê Ewropa û Mehkemeya Heqanê Merdiman a Ewropa hê verê ma de yê. Ma nînan ra wazenê ke wa erk û mesuldarîya xo bîyarê ca.
Azadîya şarê kurdî û azadîya şaranê Rojhelatê Mîyanênî pabesteyê azadîya Rayber Apoyî ya. Ma do bi qerardarî nê têkoşînî bikerê. Ma venga şarê kurdî zî danê ke bi xurtî tewrê proseso ke Rayber Apoyî dayo destpêkerdene, bibo.’’
