Çalakîyê şermezarkerdişî yê vera hêriş îşxalî yê dewleta tirke dewam kenê. Ewrop paytextê Almanya Berlin û paytextê Fransa Paris de kurdîstanijî û dostê înan vera hêrişan meydanan de bî.

Çalakya ke bi vengdayîşê TJK-F û CDK-Fyî verê konsolosxaneyê Amerîka yê paytextê Fransa Paris de ameyî kerdene bi seyan kurdîstanijî û dostê înan tewrê ci bîyî.

Çalakîye bi rêzgirewtişê semedê şehîdanê şorişê Kurdîstanî dest pêkerde. Dima ra çalakîkeran seba ke bale biancê serê hêrişanê qirkerdişî yê vera kurdan ser onlîgê sey kefenanê  ke sero destê gonîn estbî dayî xo ra erdî de qeldîyayî ra. Çalakîye de vilawekê fransizkî ameyî wendene û vilakerdene û bi sloganan xoverdayîşê gerîlayan ame selmakerdene û azadîya Ocalanî ameye waştene.

Qiseykerdişan de bêvengîya hêzanê mîyanneteweyî û tewirê Amerîka yê vera îşxal û qirkerdişê Kurdîstanî ameyî şermezarkerdene û ame vatene ke ê do vera hêrişan tim payra bî.  Çalakîya ke hunermendê TEV-ÇANDî zî bi deyîranê xo tewrê çalakîye bîyî de şar ver bi meydanê Trocadéroyî kewt rayîr. Rixmê astengkerdişê polîsan şar qerardar resa meydan.  Çalakîye bi eştişê sloganan qedîyaye.