Peyamê xoverdayoxanê Strasboûrgî: Komplokarî bin kewtî

Çalakwanê rayraşîyayîşê dergî yê Basel-Strasboûrgî dest bi beşê hîrêyine ya çalakîya xo kerd. Xoverrodaxanê grevê vêşanîye yê Strasboûrgî peyamêk rayraşîyayoxan rê şawite û çalakîya înan silam kerde.

Sîyasetmedarî, temsîlkarê sazgehan û hunermendî zî mîyan de 100 ra  zêdeyî kesî, bi sloganê “Ma tecrîdî bişiknîme, faşîzmî birijnîme, Kurdistanî azad bikerîme” Baselî ra dest bi rayraşîyayşî ver bi Strasboûrgî  kerdbi. Rayraşîyayîş roja 3’ine de dewam keno.

Çalakwanan saetanê sibayî de  verê Merkezê Cimatê Demokratîkî yê Kurdî yê Mulhoûseyî de ameyî têhet û bi deyîra 'Çerxa Şoreşê' dest bi rayraşîyayîşî kerd.Seba tecrîdkerdişê Ocalanî û grevê vêşanîye sloganî ameyî eştene û vilawekî ameyî vilakerdene.

STRASBOÛRGÎ RA RAYRAŞÎYAYÎŞO DERGÎ RÊ PEYAMÊK

Xoverrodaoxanê grevê vêşanîye yê Strasboûrgî zî peyamêk rayraşîyayoxanê dergî rê şawite û çalakîya înan silam kerde. Peyame de nîşanê muhîmî û bimanaya seba rayraşîyayîşo dergî ame kerdene û ame vatene, “Hetê fîzîkî ra şima mîyan de nêbîme zî, zerrîya ma bi ruhê xoverrodayîşî şima reyde yo. Hêzê komplokarî yê mîyaneteweyîye wexto ke 20 serrî verê cû waşt Rojakewtena Mîyanêne newe ra dîzayn bikerê, Rayber Apo sey astengîya tewr girde verê xo de di. Seba ke Rayberîye berteref bikerê, Rayberîye rê komplo kerde. Rayber Apo paradîgmaya azadîya nasnameyanê cimatkî, dinî û şarê Rojakewtena Mîyanêne yê hemeyan temsîl keno. Coka komplo heman  wextî de vera mûxalîf, hêzanê demokratîk û azadîperweran yê Kurdistanî, Tirkîye û Rojakewtena Mîyanêne ameya kerdene.''

KOMPLOKARÎ BIN KEWTÎ

Dewamê peyame ardîya vîrî ke bi komploya mîyanneteweyîye ameyêne waştene ke, teyna têkoşînê azadî yê şarê Kurdî nê, gêrayîşê azadî yê şaran û şorişî cinîyan zî bêro tasfîyekerdene û ame vatene ke  “Bi amancê şermezarkerdişê komploye, emser 3 hetan ra ciwanê, şorişgêrî enternasyonalî, ronşvîrî, sîyasetmedarî, hunermendî û temsîlkarê sazgehanê bawerîyan rayraşîyoyîşo derg ame destpêkerdene. No zî ramojneno ke komploya mîyanneteweyîye pratîkî de bin kewte.''

NO RAYRAŞÎYAYÎŞ DEWAMÊ RAYRAŞÎYAYÎŞÊ 40 SERRAN O

Xoverrodoxanê grevê vêşanîye ard ziwan ke, rayraşîyayîşo derg parçeyêkê xoverrodayîşê grevê vêşanîye yo û vat, “No rayraşîyayîş dewamê rayraşîyayîşê 40 serran o. Rayraşîyayîşê azadîyê şaran o.” Dimayê wendişê peyaman, çalakwanî bi slogananê “Biciwîyo xoverrodayîşê grevê vêşanîye” û “Biciwîyo Serek Apo” yî qîrîyayî.