‘Roje roja xoverdayîşî ya, beno ke siba zaf erey bo‘

TJK-E û KCDK-E semedê wayîrvejîyayîşê Rojawanî veng da û waşt ke şarê Kurdî yo ke Ewropa de yo û dostê înan wa xoverdayîş gird bikerê. Eşkerayîyan de ame vatene ke beno ke siba zaf erey bo. Ganî ma sey Kobanê bi ruhê seferberîye wayîrê Rojawanî bivejîyê.

Têgêrayîşê Cinîyan ê Kurdan ê Ewropa (TJK-E) Diwanê Hemserekîya KCDK-E da zanayene ke hêrişê îşxalî yê dewleta Tirkî yê vera Rojawanê Kurdistanî çend şino xorî beno û veng de şarê Kurdî yê Ewropa û heme hetanê demokratîkan ke  wa vera qirkerdişê dewleta Tirkî yê sivîlan bêveng memanê û xoverdayîş gird bikerê.

Eşkerayîyan ame vatene Rojawan de şervanê Hêzê Sûrîyaya Demokratîke (QSD) û şarê herême xoverdayîşo bêhempa danê û ganî ê vera îşxalkaran têna merê verdayene. Rayna ame vatene ke roje roja paştdayîşê Rojawanî ya beno ke siba zaf erey bo û ame waştene ke bi ruhê Xoverdayîşê Kobanê wa her kes vejîyo meydanan û paştî bido Rojawanî.