Rojawan de sûcê qirkerdişî: Gerreyê Tirkîya ame kerdene

18 rêxistinanê komelê sivîlî yê mîyanneteweyî seba ke dewleta tirke Rojawan de sûcê qirkerdişî kerdî, Konseya Ewropa û MHME de gerreyê ci kerde.

18 rêxistinanê komelê sivîlî yê mîyanneteweyî Mehkemeya Heqê Merdiman ya Ewropa (MHME) û Sekreterîya Pêroyî ya Konseya Ewropa rê mektub nuşt û seba ke dewleta tirke Rojawan de sûcê qirkerdişî  kerdî gerreyê ci kerde.

Mektub de bale ameye antene ke badê hêrişanê dewleta tirke herême de heme heqê merdiman yenê binpaykerdene û ame vatene ke  grûbê ke Anqara paştî dana ci sûcanê qirkerdişî û pakkerdişê etnîkî yê vera merdimîye kenê. Dizdîye, destsernayîş , remnayîşê sivîlan, tepiştişê keyfî, vêşnayîşê daristanan, çînkerdişê gorana û sembolanê kulturkîyan nînan ra tay ê.  Reyna ame vîrardene ke xora raporanê Rêxistina  Êfu ya Mîyanneteweyî, Rêxistina Çimdarî ya Heqanê Merdiman (HRW) û Komîsyonê Cipersayîşê Sûrîye yê Mîyanneteweyî yo Xoser de zî nê ca gênê.