Çarçewa 17-31ê Gulane Hewteyê Vînîbîyayeyan de paytextê Belçîka Bruksel de çalakîyêke ameye kerdene. Girseyo ke vengdayîşê Înîsîyatîfê Mayanê Şemeyî ser o ame yewca bale ante hewteyê 844. yê Mayanê Şemeyî ser.

Çalakîye de ame vatene ke Tirkîya de 17 hezar kesî wextê destbendkerdişî de dîyayî vînîkerdene û ame waştene ke wa berpirsîyarî ganî cade bêrê muhakemekerdene. Rêxistina Hetkarîya Sûre û Îtîfaqê Pawitişê Heqan (AIDL) zî paştî daye çalakîye.

Çalakîye de fotografê vînîbîyayeyan ameyî berzkerdene û ame vatene ke welatê Ewropa vera serebûtan bêveng a.